أهلا ً وسهلا ً بكل الاعضاء والزوار الكرام نرحب بكم في منتديات العراقيين


    شفتوا الوطن بالحلم؟

    شاطر

    ابن السيدية
    عراقــــي راقي
    عراقــــي راقي

    ذكر
    عدد الرسائل : 952
    المكان : اليمن
    تاريخ التسجيل : 16/07/2007

    شفتوا الوطن بالحلم؟

    مُساهمة من طرف ابن السيدية في 4/9/2007, 18:35

    هاي اول مشاركه الي هنا

    بلكي ما مكررة



    البارحة شفت الوطن بالطيف اجاني البارحه ..
    گتله هلا ومية هلا يابو الخيول الجامحه ..
    مديت اديه تسالمه شفت الگلب قبل الجفوف يصافحه ....
    شلونك گلت ياموطني وظنوني ظلت سارحه ..
    وانقطع وسطي من الخجل من الخجل وعيوني ظلت شابحه ..
    گال اطمأن ياولدي كفتنا هي الراجحه ..
    گلته الْيِرد ياموطني لحضنك الدافي تسامحه !! ..
    گال اْليِرد وإلْما يِردْ وحتى الْيِفكر بالوطن ذنوبه كلهن طايحه ..
    بس الْيِخون اُمّيِتهْ ما يستحق نقرا على روحه الفاتحه ..
    گلته يبه ياموطني عندي حجي بغزر الدموع المالحه ..
    گال احجي گول شما گلت طبع الوطن مثل الابو واجب عليك تصارحه ..
    گتله يبه ياموطني ليش انت من دول الدول صاحت عليك الصايحه ؟؟
    وليش انت من دون الدول اطفالك الحلوين بالدم سابحه ؟؟
    وليش انت من دون الدول بكل بيت عندك نايحه ؟؟
    وليش انت من دون الدول ناسك إتْصبّح نازحه ؟؟
    وليش انت من دون الدول جيرانه كلها تواقحه ؟؟
    وليش انت من دون الدول يا ثور بالعالم قوي تركض عليه تناطحه ؟؟
    متْگلي منهو الْخبلك يا بو العقول الراجحه !! ..
    شفته ضحك .. شفته ابتسم لمن حِجى و جاوب اجابه واضحه ..
    گال اعتقد يا ولدي .. المشكله مو بالوطن .. المشكله بصدام هو الذابحه ..
    يبقى الوطن هو الاصل والناس هي الرايحه ..
    كفكف دموعك ياولد ادري بغريب الدار شوقه الجارحه ..
    وادري بغريب الدار كل ما يِعتلي وكل ما صعد وشْما كسب خسران كل ما رابحه ..حتى الطيور إلها وطن تهاجر لجل لمن يهزها الشوق ترجع طافحه ..
    وحتى النخيل إلها وطن ما تنشتل إلا بأرضنا المالحه ..
    بس إحنا نبقى لِشْ وگت يا موطني نحلم وطنا نصافحه ؟؟ ..
    وخلاف الوطن تبقى البشر مثل البهايم دايحه ..
    والبارحه شفت الوطن بالطيف أجاني البارحه

    للشاعر عباس جيجان

      الوقت/التاريخ الآن هو 27/4/2017, 14:44